Кӯдыроҥгыр
 Марий
калык кӧргӧ чонжо дене моткоч кӯшнӧ шога. Коча-кована айдеме тукымын
ты туняш молан толмыжым пален илен. Ший чондай поянлыкетым Коҥлайымак
пыштен от кай, лач порылыкым ӯден гына чонет .дене кушкын, нолталтын кертат
.
Ме, "Марий ушемын" Йошкар-Оласе пӧлкажын чолга ӯдыр-рвезыже-влак,
марий чонан-влакым "Кӯдыроҥгыр" касыш поген, иктеш чумырен шогена. Ты
каныш касыште ятыр политик, журналист, поэт, ученый да тыглай eҥ икте-весе
дене шинчаваш ужын кутырат. Марий калыкын пӯрымашыже, кызытсе илышыже,
ончыклыкшо нерген кажне касыште йоҥга.
Кызытсе шӯлыкан саман годымат илышым саемдаш, шочмо культурнам, шыма
йылмынам, кугезе йӯланам арален кодашак манын, пашам ыштыме шуэш.
Ме, марий-влак, шке шочмо мландыштына южшынат юзо вийжым курымла мучко
перегенна гын, вӯдшынат илыше вийжым арален коденна гын, мландыжат, поро
киднам шижын, шке поянлыкшым мыланна пӧлекла гын, тугеже илена!
Нина Максимова,
регион-влак кокласе "Марий ушем" мер организацийын
Йошкар-Оласе пӧлкажым вуйлатыше.
Кӯдырчан
йӯр годым шочын "Кӯдыроҥгыр"
"Кӯдыроҥгыр"
марий калыкым иктеш чумыра
Эртыме
корнына - ончыкылыклан
|